Foydalanish shartlari

Umumiy tushuncha

Quyida keltirilgan alohida qismlarda foydalanuvchining Programmer.uzdan (keyingi o'rinlarda sayt deb yuritiladi), shuningdek, videokurs va turli boshqa resurslardan qanday foydalanishlari kerakligi aytib o'tiladi.

Shaxsiy ma'lumotlar

Saytda ro'yxatdan o'tayotganingizda faqatgina asos sifatida sizning emailingiz talab etiladi. Bu sayt bazasida saqlanib qolinadi va hech kimga ko'rsatilmaydi. Ushbu email sayt akkountingizning faoliyati uchun kerak bo'ladi. Masalan, akkount parolini unutganingizda uni ro'yxatdan o'tgan emailingiz orqali tiklab olishingiz uchun.
Akkountingizda to'ldirilishi kerak bo'lgan asosiy ma'lumotlar sifatida ism-familiyangiz hamda telefon raqamingiz so'raladi. Bu ma'lumotlar biror bir turdagi mahsulotni xarid qilib olayotganingizda mavjud bo'lishi talab etiladi.

Bundan tashqari, "Aloqa" formasida so'raladigan shaxsiy ma'lumotlar (ism, email, telefon raqam) bazada saqlanmaydi va to'g'ridan to'g'ri adminstratorga qayta aloqaga chiqish uchun yuboriladi.

Unutmang, yolg'on ma'lumotlar - foydalanishga yaroqsiz telefon raqam yoki emailni kiritsangiz bizning xizmatlardan foydalana olmaysiz!

R-Card tizimi

R-Card bu maxsus referral tizim hisoblanib, unda foydalanuvchilar uchun tizim tomonidan maxsus havola beriladi. Foydalanuvchilar ushbu havolani do'stlariga ulashishlari mumkin bo'ladi. Bunda berilgan havola orqali tizimga tashrif buyurgan har bir kishi uchun bonus pul olishni boshlaydi.
Yig'ilgan bonusni foydalanuvchilar o'z profillarida "Hisobingiz" deb nomlangan sohada ko'rishlari mumkin.

Berilgan "bonus pullar"dan faqatgina shu sayt tizimida mavjud pullik xizmatlar, videokurslar uchun foydalanishlari mumkin. Ya'ni, bu pullar alohida kartalarda, yoki naqd qilib berilmaydi.

Tizim qanday ishlaydi

  • Dastlab YouTube kanalimizga a'zo bo'ling:
    A'zo bo'lish
  • Tizimga kanalimizga a'zo bo'lgan google emailingiz bilan kiring va siz uchun akkount yaratiladi.
  • R-Card deb nomlangan sohada siz uchun havola taqdim etiladi. Ushbu havolani do'stlaringizga yuboring. Ular ham yuqoridagi ishlarni ketma-ket bajarishsin. Har bir akkount ochgan kishi uchun bonus olasiz.
  • Batafsil videoda ko'ring:
    YouTube video

Videokurslar

Sayt doirasida pullik va bepul kurslarni topishingiz mumkin. Taqdim etilayotgan bepul kurslar YouTube tarmog'idagi kanalimizdan o'rin egallaydi.

Sayt doirasida taqdim etilayotgan videokurslar himoyalangan. Biror bir turdagi videokursni xarid qilganingizda undan foydalanishingiz uchun maxsus yagona kalit beriladi va bu kalit faqatgina bitta kompyuter uchun ishlaydi. Agar kursni boshqa bir kompyuterga o'rnatmoqchi bo'lsangiz yangi kalit xarid qilishingiz kerak bo'ladi.
Kalit xarid qilish quyidagicha amalga oshiriladi:

  • Saytda ro'yxatdan o'tasiz;
  • Hisobingizni kursga yetarli miqdorga to'ldirasiz;
  • Kurs sahifasi orqali kursni xarid qilasiz;
  • Kursga tashrif buyurganingizda kurs uchun kod chiqariladi. Akkountingizda kodni kiritish uchun maxsus joy ajratiladi.
  • Berilgan sohaga kodni kiritasiz va yuborasiz;
  • Keltirilgan kod uchun maxsus kalit ishlab sizga qayta yuboramiz;
  • Kalit ishlab chiqilgani haqida email orqali xabar olasiz. Qolaversa, kalit akkountingizda ham ko'rinadi. Undan bemalol foydalanishingiz mumkin.

Agar biror bir kurs uchun yana boshqa kalit xarid qilmoqchi bo'lsangiz, shunchaki kalit olish sohasida kodni yuborasiz. Bu vaqtda hisobingizdan pul yechib olinadi.

Foydalanish shartlari qay holatda o'zgartiriladi

Saytda qandaydir imkoniyatning paydo bo'lishi yoki olib tashlanishi undan foydalanish tartibini ham o'zgartiradi. Ma'lumotlarning o'zgarishi yoki qo'shimcha kiritilishi to'g'risida sizga email orqali xabar yetkaziladi.

Aloqadan foydalanish tartibi

  • Sizning savollaringiz bevosita sayt va uning faoliyatiga doir bo'lsa, aloqa sahifasida keltirilgan emailga xabar yozishingiz kerak.
  • Agar beriladigan savollaringiz o'zingizning shaxsiy muammolaringiz, dasturlashdagi yoki boshqa turdagi qiyinchiliklaringiz bo'lsa, saytda ajratiladigan maxsus sohada berilishi lozim. Bu muammolar telefon yoki aloqaning boshqa usullari orqali hal qilinmaydi.
  • Shuningdek, ishlab chiqilgan mahsulotimiz himoyasi va web-platforma tuzilishi "shaxsiy" hisoblanib, unga bog'liq hech qanday savollar muhokama qilinmaydi.
  • Faqatgina videokurs yoki xaridga oid qandaydir tushunmovchiliklar, hamkorlik ishlari va shunga o'xshash masalalarda telefon orqali bog'lanish mumkin.