Python yuqori darajadagi dasturlash tili. U server tomonlama ish olib boradigan til bo'lib, foydalanuvchidan olingan qiymatlarni analiz qilib, ma'lum logikada ishlab, ma'lumotlar bazasi bilan bog'lab turli faoliyatda ko'rinish beradi.
Pythonni o'rganishingiz uchun ayrim faktorlarni keltirib o'taman.
Pythonni dasturlash sferasining istalgan nuqtasida uchratishingiz mumkin. Oddiy dasturdan tortib, Sun'iy Intellektgacha.
Siz-u biz bilgan ko'plab kompaniyalar mahsulotlari aynan shu til asosida qurilgan: Google, YouTube, Instagram, Netflix, ebay...
Statistikaga asosan, ommabopligiga ko'ra, Python Java hamda C dan so'ng #3-o'rinda turganligi aniqlangan. Yaqin 3-4 yil ichida u bu ikki tilni ortda qoldirishi faktlashmoqda.
Python sintaksisi va algoritmlash borasida o'qish hamda yozish juda sodda til hisoblanadi. Dasturlashni o'rganmoqchi bo'lgan kishilar uchun birinchi bo'lib, shu til tavsiya etiladi.
Asos keltiramiz desak, ko'plab ma'lumot mavjud. Dasturlashni o'rganishni boshlayotgan bo'lsangiz shu tildan boshlash sizga ancha qulay bo'lishi mumkin.